МОЛИТВЫ СВЯТЫМ.

МОЛИТВЫ СВЯТЫМ.

Святым безсребреникам и чудотворцам Косме и Дамиану.

(Образованные и искусные врачи, святые мученики обрели благодатные дары Духа Святого – силою молитв исцелять душевные и телесные недуги, хранить души свои в нестяжательности и братолюбии).

«К вам, святии безсребреницы и чудотворцы Космо и Дамиане, яко к скорым помощником и теплым молитвенником о спасении нашем мы, недостойнии (имена), преклонше колена, прибегаем и припадающе усердно вопием: не презрите моления нас грешных, немощных, во многая беззакония впадших, и по вся дни и часы согрешающих. Умолите Господа, да пробавит нам, недостойным рабом Своим, великия и богатая Своя милости: избавьте нас от всякия скорби и болезни, вы бо прияли есте от Бога и Спаса нашего Иисуса Христа неоскудную благодать исцелений, ради твердыя веры, безмезднаго врачевания и мученическия кончины вашея. Ей, угодницы Божии, не престайте молящеся за ны, с верою к вам притекающия: аще бо по множеству грехов наших и несмы достойни милосердия вашего, обаче вы, вернии подражателие человеколюбия Божия суще, сотворите, да принесем плоды достойны покаяния, и в вечный покой достигнем, хваляще и благословяще дивнаго во святых Своих Господа и Бога и Спаса нашего Иисуса Христа и Пречистую Матерь Его, и ваше теплое заступление, всегда, ныне и присно, и во веки веков. Аминь».

Преподобному Сампсону Странноприимцу.

«О, теплый молитвинниче, благостный отче, преподобие Сампсоне! Моли Бога о мне, грешнем, и низпосли от Всеблагаго Владыки помощь ми и избавление, при- временна бо есть жизнь моя и исполнена труда, скорбей и болезней. Укрепи сердце мое, да возмогу понести тяготу мою, и не попусти, да превозмогут искушения многая моя малыя силы, но споспешествуй мне заступлением твоим и посреде обстояний и бед управи путь мой в Царство Небесное да славлю прославльшагося в тебе Господа во веки. Аминь».

Мученику Трифону.

«О, святый мучениче Христов Трифоне, скорый помощниче всем, к тебе прибе­гающим и молящимся пред святым твоим образом, скоропослушный предстателю! Услыши ныне и на всякий час моления нас, почитающих святую память твою, и предстательствуй о нас пред Господем на всяком месте, ты бо, угодниче Христов, святый мучениче и чудотворче Трифоне, в великих чудесех возсиявьш, прежде исхода твоего от жития сего тленнаго молился ecu за ны ко Господу и дар сей: аще кто в коей-либо нужде, беде, печали и болезни душевней или телесней призывати начнет святое имя твое, той избавлен будет от всякаго прилога злаго, и якоже ты некогда дщерь цареву, во граде Риме от диавола мучиму, исцелил ecu, сице и нас от лютых его козней сохрани во вся дни жития нашего, наипаче же в день последняго нашего издыхания предстательствуй о нас, буди нам тогда помощник, и скорый прогонитель лукавых духов, и к Царствию Небесному предводи­тель, идеже ты ныне предстоиши с лики святых у Престола Божия, моли Господа, да сподобит и нас причастники быти присносущнаго веселия и радости, да с тобою купно удостоимся славити Отца и Сына и Святаго Утешителя Духа во веки веков. Аминь».

Молитва святому Пантелеймону целителю.

«О, великий угодниче Христов, страстотерпче и врачу многомилостивый Пантелеймоне! Умилосердися надо мною, грешным рабом, услыши стенание и вопль мой, умилостиви небеснаго, верховнаго Врача душ и телес наших, Христа Бога нашего, да дарует ми исце­ление от недуга, мя гнетущаго. Приими недостойное моление грешнейшаго паче всех человек. Посети мя благодатным посеще­нием. Не возгнушайся греховных язв моих, помажи их елеем ми­лости твоея и исцели мя, да здрав сый ду шею и телом, остаток дней моих, благодатию Божиею, возмогу провести в покаянии и угож­дении Богу и сподоблюся восприяти благий конец жития мое­го. Ей, угодниче Божий! Умоли Христа Бога, да предстательством твоим дарует здравие телу моему и спасение души моей. Аминь».

Великомученику и целителю Пантелеймону.

«О, святый великомучениче и целителю Пантелеймоне, Бога милостиваго подра­жателю! Призри благосердием и услыши нас, грешных, пред святою твоею иконою усердие молящихся, испроси нам у Госпо­да Бога, Емуже со ангелы предстоиши на небеси, оставление грехов и прегрешений наших: исцели болезни душевныя и телесныя рабов Божиих ныне поминаемых, зде пред­стоящих и всех христиан православных, ко твоему заступлению притекающих: се бо, грех наших ради, люте одержими есмы многими недуги и не имамы помощи и уте­шения: к тебе же прибегаем, яко дадеся ти благодать молитися за ны и целити всяк недуг и всяку болезнь: даруй убо всем нам святыми молитвами твоими здравие и благомощие души и тела, преспеяние веры и благочестия и вся к житию временному и ко спасению потребная, яко да сподобив- шеся тобою великих и богатых милостей, прославим тя и подателя всех благ, дивнаго во святых Бога нашего, Отца и Сына и Святаго Духа, во веки веков. Аминь».

Молитвы святителю Спиридону Тримифунтскому.

(просить о работе, достатке, жилье и т.д.)

Молитва первая: «О великий и пречудный святителю Христов и чудотворче Спиридоне, Керкирская похвало, всея вселенныя светильниче пресветлый, теплый к Богу молитвенниче и всем к тебе прибегающим и с верою молящимся скоропредстательный заступниче! Ты веру православную на Никейстем Соборе посреде отцев преславно изъяснил еси, ты Единство Святыя Троицы чудесною силою показал еси и еретиков до конца посрамил еси. Услыши нас, грешных, святителю Христов, молящихся тебе и сильным твоим предстательством у Господа избави нас от всякаго злаго обстояния: от глада, потопа, огня и смертоносныя язвы. Ты бо во временней жизни своей от всех сих бедствий избавлял еси людей твоих: от нашествия агарян и от глада страну твою сохранил еси, царя от неисцельнаго недуга избавил и многия грешники к покаянию привел еси, мертвых преславно воскрешал еси, за святость жития твоего Ангелы, невидимо в церкви поющия и сослужащия тебе, имел еси. Сице убо прослави тебе, вернаго Своего раба, Владыко Христос, яко вся тайная человеческая деяния дарова тебе разумети и обличати неправедно живущия. Многим, в скудости и недостаточестве живущим, ты усердно помогал еси, люди убогия изобильно во время глада напитал еси и ина многа знамения силою в тебе живущаго Духа Божия сотворил еси. Сице и нас не остави, святителю Христов, поминай нас, чад своих, у Престола Вседержитея и умоли Господа, да подаст многих наших грехов прощение, безбедное и мирное житие да дарует нам, кончины же живота непостыдныя и мирныя, и блаженства вечнаго в будущем веце сподобит нас, да выну возсылаем славу и благодарение Отцу и Сыну и Духу Святому, ныне и присно и во веки веков».

Молитва вторая: «О всеблаженный святителю Спиридоне, великий угодниче Христов и преславный чудотворче! Предстояй на Небеси Престолу Божию с лики Ангел, призри милостивым оком на предстоящия зде люди и просящии сильныя твоей помощи. Умоли благоутробие Человеколюбца Бога, да не осудит нас по беззакониим нашим, но да сотворит и с нами по милости Своей! Испроси нам у Христа и Бога нашего мирное и безмятежное житие, здравие душевное и телесное, земли благоплодие и во всем всякое изобилие и благоденствие, и да не во зло обратим благая, даруемая нам от щедраго Бога, но во славу Его и прославление твоего заступления! Избави всех верою несумненною к Богу приходящих от всяких бед душевных и телесных, от всех томлений и диавольских наветов! Буди печальным утешитель, недугующим врачь, в напастех помощник, нагим покровитель, вдовицам заступник, сирым защитник, младенцем питатель, старым укрепитель, странствующим путевождь, плавающим кормчий и исходатайствуй всем крепкие помощи твоея требующим вся, яже ко спасению, полезная! Яко да, твоими молитвами наставляеми и соблюдаеми, достигнем в вечный покой и купно с тобой прославим Бога, в Троице Святей славимаго, Отца и Сына и Святаго Духа, ныне и присно и во веки веков. Аминь».

Молитва третья: «О преблаженне святителю Спиридоне! Умоли благосердие Человеколюбца Бога, да не осудит нас по беззаконием нашим, но да сотворит с нами по милости Своей. Испроси нам, рабам Божиим (имена), у Христа и Бога нашего мирное и безмятежное житие, здравие душевное и телесное. Избави нас от всяких бед душевных и телесных, от всех томлений и диавольских наветов. Поминай нас у престола Вседержителя и умоли Господа, да подаст многих наших грехов прощение, безбедное и мирное житие, да дарует нам, кончины же живота непостыдныя и мирныя и блаженства вечнаго в будущем веце сподобит нас, да непрестанно возсылаем славу и благодарение Отцу и Сыну и Духу Святому, ныне и присно и во веки веков».

Издавна принято считать, что каждый святой особенно силен в какой-то определенной области. Например, Пантелеймон Целитель помогает при болезнях, святые бессребреники Косма и Дамиан — в учении, а святой Спиридон Тримифунтский охотно отзывается на молитвы тех, кто испытывает финансовые затруднения.

В центре Москвы находится Храм посвящённый Воскресению Христову, там находится чудотворный образ святого Спиридона Тримифунтского. Он прославился исцелением от различных недугов.

Молитва Святому Николаю Чудотворцу.

Николай Чудотворец – один из самых любимых в России святых. Он помогает в тяжелых ситуациях, ему молятся, чтобы победить уныние и грусть, а также просят о помощи, если замучила нищета. Вот одна из молитв к святителю Николаю: «О всесвятый Николае, угодниче преизрядный Господень, тёплый наш заступниче, и везде в скорбех скорый помощниче! Помози мне грешному и унылому в настоящем сим житии, умоли Господа Бога даровати ми оставление всех моих грехов, елико согреших от юности моея, во всём житии моём делом, словом, помышлением и всеми моими чувствы; и во исходе души моея помози ми окаянному, умоли Господа Бога, всея твари Содетеля, избавити мя воздушных мытарств и вечнаго мучения, да всегда прославлю Отца и Сына и Святого Духа, и твоё милостивое предстательство, ныне и присно и во веки веков. Аминь».

МОЛИТВА СВЯТОМУ ПО ИМЕНИ И АНГЕЛУ ХРАНИТЕЛЮ.

О покровительсте в любой сложной ситуации надо просить святого, имя которого вы носите, и ангела–хранителя. К святому обращаются с такими словами: «Моли Бога о мне, святый угодниче Божий (имя), яко аз усердно к тебе прибегаю, скорому помощнику и молитвеннику о душе моей».

А вот коротенькая молитва ангелу-хранителю: «Ангеле Божий, хранителю мой святый, на соблюдение мне от Бога с небес данный! Прилежно молю тя: ты мя днесь просвети, и от всякаго зла сохрани, ко благому деянию настави, и на путь спасения направи. Аминь».

Молитва Царю Давиду.

Ветхозаветный царь Давид перенёс много преследований, но не озлобился, и Господь избавил его от всех врагов и противников. Ему молятся об укрощении гневливости. Например, подходя к дверям начальника-самодура, который волен вас как уволить, так и поощрить, следует говорить: «Помяни, Господи, царя Давида и всю кротость его».

А полная молитва такая: «Помяни, Господи, царя Давида и всю кротость его. Коль был  царь Давид смирен и кроток и милостив, так бы были и у меня, раба(ы) (имя), все начальные чиновные люди и судьи праведные смиренны, кротки и милостивы».

(молитва – заклинание, обуздывающая гневливость и раздражительность, как собственную, так и окружающих).

МОЛИТВА ОПТИНСКИХ СТАРЦЕВ.

Молитва не заговор, она смиренная просьба и выражение душевного состояния.

Молитва Оптинских старцев не направлена на получение осязаемых даров от Господа – вроде исцеления, обретения житейских благ, устройства личной жизни, преодоления чьей-то злобы и козней врагов. Цель этой молитвы – не какие-то материальные блага, а гармония между человеческой душой и Богом. Эта молитва воспитывает душу, учит человека стойко и мудро переносить беды, видя в них промысел Божий, который обратит несчастье в великое благо. Это молитва – камертон, которая простым, современным русским языком  действенно настраивает на истинно христианское отношение к жизни. Её читают по утрам. Хорошо положить текст молитвы рядом с прикроватным столиком и начинать день с ее чтения:

«Господи, дай мне с душевным спокойствием встретить всё, что принесёт наступающий день. Дай мне всецело предаться воле Твоей Святой. На всякий час сего дня во всём наставь и поддержи меня. Какие бы я ни получал известия в течении дня, научи меня принять их со спокойной душой и твёрдым убеждением, что на всё святая Воля Твоя.

Во  всех словах  и делах моих руководи моими мыслями и чувствами. Во всех непредвиденных случаях не дай мне забыть, что всё ниспослано Тобой.

Научи меня прямо и разумно действовать с каждым членом моей семьи, никого не смущая и не огорчая.

Господи, дай мне силу перенести утомление наступающего дня и все события в течение дня. Руководи моею волею и научи меня молиться, верить, надеяться, терпеть, прощать и любить. Аминь».

Святые.

Святые помогают всем людям на планете, но в определенных случаях. Каждый святой имеет свою область деятельности.

Святой Николай Угодник помогает в вопросах, связанных со здоровьем или путешествиями.

Святой Валентин – покровитель влюбленных.

К Серафиму Саровскому – обращаются при болезнях ног.

Святой Александр Невский – защитник воинов.

Божья Матерь – охраняет здоровье и приносит счастье в браке.

Великомученица Варвара – бережет от внезапной смерти.

Великомученик Вонифатий – уберегает от пьянства. И т. д.

Похожие записи по теме

Написать ответ

Thanks: Offmusic