МОЛИТВЫ СВЯТЫМ.

МОЛИТВЫ СВЯТЫМ.

Блаженной Матроне Московской.

«О блаженная мати Матроно, душею на Небеси пред Престолом Божиим пред­стоящая, телом же на земли почивающая и данною ти свыше благодатию различная чудеса источающая! Призри ныне милостивным твоим оком на ны, грешныя, в скорбех, болезнех и греховных искушениих дни своя иждивающия. Утеши ны, отчаянныя, исцели недуги наша лютыя, от Бога нам по грехом нашим попущаемыя, избави нас от многих бед и обстояний, умоли Гос­пода нашего Иисуса Христа простити нам вся наша согрешения, беззакония и грехопа­дения, имиже мы от юности нашея даже до настоящаго дне и часа согрешихом, да твоими молитвами получивше благодать и велию милость, прославим в Троице Единаго Бога, Отца и Сына и Святого Духа, ныне и присно и во веки веков. Аминь».

Этот святой имеет от Бога удивительную благодать помогать женщинам в их немощах и недугах, связанных с чадородием. По молитвам к нему и в наше время многие женщины получают благодатную помощь; в семьях, уже отчаявшихся иметь ребенка, рождаются дети…

Именно поэтому в нашем храме регулярно совершаются молебны Преподобному, и на них приходят люди как и помолиться перед родами, о даровании ребенка или об исцелении от недуга, так и поблагодарить за получение просимого.

Святой блаженной Ксении Петербургской

(После внезапной кончины мужа, умершего без покаяния, приняла крест юродства Христа ради. Как при жизни, так и после помогла множеству людей, обращавшихся к ней за помощью в устроении житейских дел и избавлении от различных бед)

Тропарь, глас 7-й: Нищету Христову возлюбивши, безсмертныя трапезы ныне наслаждаешися, безумием мнимым безумие мира обличивши, смирением крестным силу Божию восприяла еси. Сего ради дар чудодейственныя помощи стяжавшая, Ксение блаженная, моли Христа Бога избавитися нам от всякого зла покаянием.

Кондак, глас 3-й: Днесь светло ликует град святого Петра, яко множество скорбящих обретают утешение, на твоя молитвы надеющеся, Ксение всеблаженная, ты бо еси граду сему похвала и утверждение.

Молитва: «О, святая всеблаженная мати Ксение! Под кровом Всевышняго жившая, ведомая и укрепляемая Богоматерию, глад и жажду, хлад и зной, поношения и гонения претерпевшая, дар прозорливости и чудотворения от Бога прияла еси и под сению Всемогушаго покоишися. Ныне Святая Церковь, яко благоуханный цвет, прославляет тя: предстояще на месте погребения твоего, пред образом твоим святым, яко живей ти, сушей с нами, молимся ти: приими прошения наша и принеси их ко Престолу Милосердаго Отца Небеснаго, яко дерзновение к Нему имущая, испроси притекающим к тебе вечное спасение, и на благая дела и начинания наша щедрое благословение, от всяких бед и скорбей избавление, предстани святыми твоими молитвами пред Всемилостивым Спасителем нашим о нас, недостойных и грешных, помози, святая блаженная мати Ксение, младенцы светом Святаго Крещения озарити и печатию дара Духа Святаго запечатлети, отроки и отроковицы в вере, честности, богобоязненности и целомудрии воспитати и успехи в учении им даровати; болящия и недугующия исцели, семейным любовь и согласие низпосли, монашествующим подвигом добрым подвизатися удостой и от поношений огради, пастыри в крепости духа утверди, народ и страну нашу в мире и безмятежии сохрани, о лишенных в предсмертный час причащения Святых Христовых Тайн умоли: ты наша надежда и упование, скорое услышание и избавление, тебе благодарение возсылаем и с тобою славим Отца и Сына и Святаго Духа, ныне и присно и во веки веков. Аминь».

Личное прошение.

«О наша великая небесная заступница, святая блаженная мати Ксение! Испроси у Великодаровитого Бога рабам Твоим (имена), с надеждою притекающим к тебе (содержание прошения), и во всякой житейской нужде и потребе помощь и наставление, от всяких бед и скорбей избавление. Аминь».

Святой блаженной Ксении Петербургской.

Молитва: «О, препростая образом жития своего, бездомная на земли, наследнице же обителей Отца Небеснаго, блаженная страннице Ксение! Якоже прежде к надгробию твоему недужнии и скорбнии припадавшии и абие утешениями исполняемии, сице ныне и мы, обуреваемии тлетворными обстоянии, к тебе прибегающе, с надеждою просим: помолися, благая небошественнице, дабы исправилися стопы наша по словеси Господню к деланию заповедей Его, и да упразднится богоборное безбожие, пленившее град твой и страну твою, привергающее нас многогрешных в смертное братоненавидение, гордое самовозбешение и хульное отчаяние. О, блаженнейшая Христа ради, посрамившая суемудрость века сего, испроси у Творца и Подателя всяческих благ даровати нам смирения, кротости и любве в сокровище сердца нашего, веры в укрепление молитвы, надежды в покаянии, крепости в многотрудном житии, милосерднаго исцеления души и тела нашего, целомудрия в супружестве и благопопечения о ближних и искренних своих, всего жития нашего обновление в чистительней бане покаяния, яко да всехвально воспевающе память твою, прославим, в тебе чудодействующаго, Отца и Сына и Святаго Духа, Троицу Единосущную и Нераздельную во веки веков. Аминь».

Молитва, тропарь и кондак преподобному Давиду Гареджийскому.

1-й вариант: Молитва преподобному Давиду Гареджийскому.

«О, всесветле, богохвальне авва Давиде, святче Божий! Ты силою благаго Законоположителя явился еси нам, кознями лукавого связанным и обуреваемым, яко наставник в покаянии и помощник в молитве. Того ради дано тебе много даров благодати и чудотворения, разрешения грехов наших и прегрешений оставление, болезней исцеление и диавольских наветов отгнание. Темже твоею отеческою милостию в богоцарственном разумении, многотрудными молитвами и моленьми твоими, наипаче же непрестанным твоим заступлением о нас, да возставит Господь Бог ны, во грех впадшия, силою Своею непобедимою на всякаго видимаго и невидимаго врага, дабы благодаряще совершая святую память твою, желанием возжелали мы покланятися Превечному Богу в Троице Единому, Отцу и Сыну и Святому Духу, ныне и присно и во веки веков. Аминь».

Тропарь, гл.4: Слез твоих теченьми пустыни безплодное возделал еси, и иже из глубины воздыханьми во сто трудов уплодоносил еси, и был еси светильник вселенней, сияя чудесы, Давиде отче наш, моли Христа Бога спастися душам нашим.

Кондак, гл 8: От сирийских источников возшел еси, звездо пресветлая, и пустыню Гареджийскую сиянием Духа озарил еси; яко пришествием своим иноческий рай соделал еси, произрастив в пустыне словесный вертоград. Сего ради не оставляй хранити его, Давиде возлюбленный.

2-й вариант: Преподобному Давиду Гареджийскому.

Тропарь, глас 8-й: В тебе, отче, известно спасеся еже по образу: приим бо Крест последовал еси Христу, и дея учил еси презирати убо плоть, преходит бо, прилежати же о души, вещи безсмертней. Темже и со ангелы срадуется, преподобне Давиде, дух твой.

Кондак (из акафиста): О, великий богоугодниче и чудотворче, блаженнейший авва Давиде Гареджели! Гора еси ты небесная, и сем мы, долу преклоненные и удаленные от тебе грехми нашими, но душею и сердцем прилепленные тебе, возсылаем со дерзновением сие малое хвалебное пение. Приими воздыхания наша и умоли, милосерде, всех Творца помиловати и спасти ны от огня геенскаго и прещения по грехам нам достойнаго, наипаче же по велицей милости Его наследовати Царствия Небеснаго, идеже выну благодаряще воспевати: Аллилуиа.

Молитва: «О, всесветле, богохвальне авва Давиде, святче Божий! Ты силою благаго Законоположителя явился еси нам, кознями лукавого связанным и обуреваемым, яко наставник в покаянии и помощник в молитве. Того ради дано тебе много даров благодати и чудотворения, разрешения грехов наших и прегрешений оставление, болезней исцеление и диавольских наветов отгнание. Темже твоею отеческою милостию в богоцарственном разумении, многотрудными молитвами и моленьми твоими, наипаче же непрестанным твоим заступлением о нас, да возставит Господь Бог ны, во грех впадшия, силою Своею непобедимою на всякаго видимаго и невидимаго врага, дабы благодаряще совершая святую память твою, желанием возжелали мы покланятися Превечному Богу в Троице Единому, Отцу и Сыну и Святому Духу, ныне и присно и во веки веков. Аминь».

МОЛИТВА К СВЯТИТЕЛЮ МИТРОФАНУ.

Если ваши родные потеряли работу или их там как-то притесняют, то хорошо обратиться с молитвой к святителю Митрофану, епископу Воронежскому. Он уже овдовев и приняв сан, просил почтенных людей о своём сыне, который служил подъячим (чиновником), чтобы тому не было обид, а, наоборот, нашёлся честный, добрый покровитель и чтобы юноша держал себя подальше от дурных людей. Приводим молитву к святителю Митрофану:  «О всехвальный святителю Христов и чудотворче Митрофане! Прими сие малое моление от нас грешных, и тёплым твоим предстательством умоли Господа и Бога нашего, Иисуса Христа,  яко да призрев на ны милостиво, подаст нам согрешений наших вольных и невольных прощение, и по велицей своей милости избавит нас от бед, печалей, скорби и болезней душевных и телесных, обдержащих нас; да подаст земле плодоносие, и вся на пользу настоящаго нашего жития потребная; да дарует нам скончати житие сие привременное в покаянии, и да сподобит нас, грешных и недостойных. Небеснаго  Царствия Своего, во еже со всеми святыми славити его бесконечное милосердие, со Безначальным Его Отцем и Святым и Животворящим Его Духом, во веки веков. Аминь».

МОЛИТВА НИКОЛАЮ УГОДНИКУ.

«Прошу Тебя Угодник Божий Святой Великий Николай, в житейском море утопаю, Ты руку помощи мне подай.К Твоей  иконе припадаю, прошу Тебя, меня спасти. Я недостойна, а взываю, молитву Богу принести. Враги повсюду окружают и не дают к Тебе пути, дорогу благость ограждают блаженство вечное пройти, но Ты Угодничек Великий, Ты нам являешься  родной, прошу Тебя Угодник Божий, умилосердись надо мной. Ты щедротами своими спасал в море корабли. Прошу  Тебя Угодник Божий, Ты мне в скорбях помоги, Ты таяся у оконца, узельцы три злата положил, родитель старец помолился, плохие мысли отложил, неисчерпаемое море Угодник Божий сотворил, у кого какое горе ко всем на помощь приходил. Ты перед Господом Великий, Тебя Угодника прошу, проси у Бога, Ты прощение за душу грешную мою».

Похожие записи по теме

Написать ответ

Thanks: Offmusic