МОЛИТВЫ АНГЕЛУ-ХРАНИТЕЛЮ.

МОЛИТВЫ АНГЕЛУ-ХРАНИТЕЛЮ.

Читайте ее, когда нуждаетесь в его помощи:

***

«Святый Ангеле, предстояй окаянной моей души и страстной моей жизни, не остави мене грешнаго, ниже отступи от мене за невоздержание мое. Не даждь места лукавому демону обладати мною, насильством смертнаго сего телесе; укрепи бедствующую и худую мою руку и настави мя на путь спасе­ния. Ей, святый Ангеле Божий, хранителю и покровителю окаянныя моея души и тела, вся мне прости, еликими тя оскорбих во вся дни живота моего, и аще что согрешил в прешедшую нощь сию, покрый мяв настоящий день, и сохрани мя от всякаго искушения противнаго, да ни в коем гресе прогневаю Бога, и молися за мя ко Господу, да утвердит мя в страсе Своем, и достойна покажет мя раба Своея благости. Аминь».

***

«Ангеле Христов святый, к тебе припадая молюся, хранителю мой святый, приданный мне на соблюдение души и телу моему грешному от святаго кре­щения, аз же своею леностию и своим злым обычаем прогневах твою пречи­стую светлость и отгнахтя от себе всеми студными делы: лжами, клеветами, завистию, осуждением, презорством, непокорством, братоненавидением, и злопомнением, сребролюбием, прелюбодеянием, яростию, скупостию, объядением без сытости и опивством, многоглаголанием, злыми помыслы и лукавыми, гордым обычаем и блудным возбешением, имый самохотение на всякое плотское вожделение. О, злое мое произволение, егоже и скоти безсловеснии не творят! Да како возможеши воззрети на мя, или приступи- ти ко мне, аки псу смердящему? Которыма очима, Ангеле Христов, воззри- ши на мя, оплетшася зле во гнусных делех? Да како уже возмогу отпущения просити горьким и злым моим и лукавым деянием, в няже впадаю по вся дни и нощи и на всяк час? Но молюся ти припадая, хранителю мой святый, умилосердися на мя грешнаго и недостойнаго раба твоего (имя), буди ми по­мощник и заступник на злаго моего сопротивника, святыми твоими молит­вами, и Царствия Божия причастника мя сотвори со всеми святыми, всегда,  и ныне и присно и во веки веков. Аминь».

***

«Ангеле Христов, хранителю мой святый и покровителю души и тела моего, вся ми прости, елика согреших во днешний день, и от всякаго лукавствия противнаго ми врага избави мя, да ни в коемже гресе прогневаю Бога мое­го; но моли за мя грешнаго и недостойнаго раба, яко да достойна мя покажеши благости и милости Всесвятыя Троицы и Матере Господа моего Иисуса Христа и всех святых. Аминь».

И наконец, самая короткая и легко запоминающиеся молитва, которую следует читать каждое утро, выходя из дома: «Святый Ангеле Божий, хранителю мой, моли Бога о мне».

Похожие записи по теме

Написать ответ

Thanks: Offmusic